Dem ersamen herrn Petern thumherren zu Prag und Pfarrer zu Slakenwerde.

Unser dienst bevor. Lieber herr Peter, als ir uns aber verschriben habt von der scheden wegen, die ewch bestehen sullen seyn et cetera, das haben wir wol vernomen. Nun haben wir ewch vormals in unseren schriften geantwort, daz wir niht finden noch erfarn können, daz die unseren ewerer scheden fürer gewest seyn oder schult haben sunderlichen in unserem letzten brief haben wir ewch von uns gepotten, ob ir uns ye on sprüche nicht lassen wolt, dies unser antwort wir noch niht wissen zu ender, wan uns dunkt, daz wir ewch da mit glimpflich und rechts gnug gepotten haben und pieten. Darumb getrawen wir ewch ir lat ewch des benugen, denn, ob ir uns oder die unseren daruber mit anderen unpillichen rechte oder sachen beschweret, so dewht uns, uns geschehe daran ungutlich von ewch. Datum feria II post Valentini anno 1422.