Przibram. – Johannes Cralouicz et Johannes de Duba, administratores archiepiscopatus Prag. etc. tibi discreto viro Nicolao Johannis de Luna, clerico Prag. dioc., salutem etc. Exigentibus tue probitatis et virtutum meritis, quibus aput nos fidedigno testimonio commendaris, nos inducunt, ut tibi in exhibicione gracie reddamur liberales. Sane accepimus, qualiter eccl. parochialis in Przibram vacare dudum dinoscitur ex eo, quod d. Martinus vlt. rect. ecclesiam in Medla Olomuc. dioc. est pacifice assecutus, ita quod ipsius collacio et queuis alia disposicio existit ad ordinarium deuoluta. Cum autem vices ordinarii hac vice teneamus, ideo premissorum meritorum tuorum intuitu tibi graciam volentes facere specialem eccl. antedictam in Przibram modo premisso aut ex alia quacunque causa vacantem auctoritate ordinaria nostro ex officio cum omnibus ipsius iuribus et obuencionibus tenore presencium tibi conferimus etc. Quocirca vobis d. scolastico Pragensi ac vniuersis dd. abbatibus, prepositis, decanis, archidiaconis, scolasticis tam cathedralium quam collegiatarum ecclesiarum canonicis necnon decanis ruralibus, plebanis, viceplebanis, ecclesiarum et capellaram rectoribus ac notariis publicis per ciuitatem et diocesim Prag. constitutis, ad quos presentes peruenerint uel qui presentibus fueritis requisiti, committimus per presentes et sub pena excommunicacionis etc., quatinus prefatum Nicolaum aut ipsius procuratorem legittimum in corporalem et realem possessionem dicte eccl. in Przibram iuriumque et pertinenciarum eiusdem inducatis et defendatis inductum etc. Dat. Zitauie a. D. MCCCCXXX, die XXI Nov.