Wir Sigmund von gotes genaden Romischer kayser zu allen ziten merer des richs und zu Hungern, zu Behem, Dalmacien, Croacien etc. kunig bekennen und tun kunt offembar mit disem briff allen den, die in sehen oder horen lesen, das uns unsere juden und camerknechte Ysaac und Salomon jude gebrudere, ire muter, swester und ir husgesind zu Brux wonhafften umb solich erung, so uns als einem Romischen kayser nach empfahung der kayserlichen crone von der judischeit zugeburt, ein vollig ußrichtung und benugen getan haben. Und dorumb so sagen wir dieselben juden und judynnen solich erung quidt, ledig und los mit disem briff, doch unschedlich und entgolten der stat zu Brux und der judischeit doselbst wonhafften an iren privilegien und freyheiten. Mit urkund diczs briffs versigelt mit unserm kayserlichen uffgedruckten insigel. Geben zu Prag, nach Crist geburt XIVC und im XXXVI. jaren, am freytag vor Katherine, unser rich des Hungerischen etc. im L., des Romischen im XXVII., des Behemischen im XVII. und des kaysertums im vierden jaren.

vpravo dole Ad mandatum domini imperatoris Marquardus Brisacher.