Senatus Gorlicensis an Hannsen von Hockinborn: Unsere et cetera edeler lieber herre! Zu wissen thun wir uch, das der hochgeborne fürste herzog Johannes, herre zum Sagan, uns geschriben hat, das Hanns Wildenstein, der sich an uch heldit, und auch Henrich Wildenstein sein bruder die sinen beschediget habin in sulchem frede, den wir zwischen synen gnade und uch betediget habin, als ir das seine gande meynung vorschlossen et cetera. Hirumb, edeler liber herr, bitte wir uch mit dinstlichem gantzem fleisse, ab dy egenanten icht gethan et cetera. Geben am dinstage neste vor ascensionis domini anno 1427.