Wir Niclos von der Wezen lantrichter, Hannus Lamenicz, Niclos Walcher, Petir Sarbrecht, Hannus Gremel, Ffritzsche fleischer, Hannus Foytchyn, Niclos Hennegisdorff, Ffrenczel Schulwerd, Niclos Stamph, Sigemund Seryn, Niclos Rymer und Hannus Loch schopphen czu Glacz bekennen offintlichen mit desim briffe, das vor uns ingehegtanig komen sint Hannus Bertolsdorff richter czu Isemichsdorff, Steffan Strawbe richter czu Ebirhardisdorff by Nowenrode, Sigemund Lochs richter czu dem alden Walchersdorff und Nickel richter czu dem Owernhennegisdorff virtekslewte desis kegen wortigen jares alle gesunt unbet wangen mit wolbedochten nute und vorkawsten und vorreichten in irem und in aller richter namen czu Glacz in dem lande durch des dinstis willen der sy taten unserm gnadigen hirren dem könige von Vngern und czu Behemen von der Wykleffen und Hussen wegen in der herfart eff ire gerichte und off alle czugehörunge derselben virtelsewte gerichte und nemelichen uff alle gerichte und richter guter czu Glacz in den lande und off alle czu gehörunge aller gerichte und richter guter doselbesten nicht usgenomen eine marg grosschen prager montcze swere czal rechtes jerliches czinses dem erben Nickeln von Brumow czu gelben und czu czinsen alle jar eine halb marg off unser liben frauwen tag lichtweie und eine halb marg grosschen uff sand Jokobs tage ungehindirt ab des nicht geschege uff welchastag das weren so sal der lantrichter uff der vorgenanten virtelslewte gerichte und uff alle czugehörunge ire gerichte adir uff andire virtelslewte gerichte, wer dy sein werden inczukamstigen czeiten und off aller czugesehörunge derselben virtelslewte gerichte und uff allen richter guter und nemelichen uff welchen gerichten aller richter und rechter guter Nickel von Brumow der obgenante wil und kawset genug phaindes helffen das phand man deme mag vorsetczen czu Cristen adir czu Juden ane alle begeunge, das rechten bis der czins gar wirt vorrichtit mit czehen gereiten sweren marken grosschen mag man wol weime man wil desin czins wedir abekewffen den vorsessen sal man czu vor vorrichten auch mag Nickel von Brumow der egenante mit desin czinse tun und lossin wy her wil noch seinen freien willen von allen lewten ungehindirt und wer desin briff haben wirt mit seinen guten willen by seinen leben adir noch seinen toden der sal deme desen arg czinsis haben czu tun domete und czulossin in volkomacht gleiche als dy gehabit hot von allen lewten ungehindirt czu gutir gewissen sint uns vor genanten hutrichters und der stad ingesigel an desin briff gehangen. Gegeben noch gotis geburt virczenhundirt jar und in dem czweinczigisten jare an dem donnirstage vor sand Margarethen tage.