Catherina, herczogine zcu Sachsen unde margravinne zu Missin.

Liebin getruwen. Wenne die ketzer vor der Lype legen unde uns ware warnunge komen ist, das sie von dannen vor die stadt Awsßk rücken unde die belegin wullen, die wir mit der hulffe gotis meinen zcurettenn, davon begern wir ernstlichin, das ir uch mit allen dingen darnach richtet, wenne wir uch andirweit botschafft thun werden, das ir uns denne mit ganczir macht folgit unde sumit damitte nicht, unde uch ouch doruff richtet, das ir etwas geharren mogit, und du voit daz unsern manne in diner pflege vorkundigist, daran tut ir uns zcudangke. Ouch begern wir, daz ir czußehit, wen ir in uwir stadt laßet, wenn er Busse gestern einen gefangen hat, der von den ketczern gesandt was, Friberg zcubeßehinde, wo is am allirbesten were. Gegebin zcu Missin am dinstage in den pfingist heiligen tagen.

Dem voite unde rate zcu Lipczk, unsern libin getruwen.