Ich Thymo von Colditz vorweser der land und stete Budissin, Gorlitz et cetera, und ich Hannus von Gerisdorff ritter houptman, und wir landmanne, bürgermeister und rathmanne des landes und der stat Gorlitz bekennen offentlichen mit diesem briefe et cetera, das wir mitt deme edlen hern Wentschcz von Donyn, her uff dem Greffinsteyne und zu Radembritz, zu einem rechtin cristinlichin frede getretin sein und den mit im uffgenommen haben von datum dises briffes biss obir 14 tage. Denselben frede globen ich Thymo von Colditz und wir vorgenante Hannus von Gerisdorff et cetera mit im, seinen frunden und helffern, die vorgenenten 14 tage nochenandir sich irfolgende gantz aus und aus, ane gefahr und ane allis arg mir allen den, die umb unsern willin thun adir lassin wellin, stete und gantz zu halden, und das wir mit im in den genanten 14 tagen, wenn jedes in dem bequemsten ist, zu Görlitz einen tag gerne haldin wollin. Und wellin den edlen hern Ulrich von Bebirstein dozu gerne bethin desselbin gleich, das her das ouch thue und das her uns des ouch seinen fredisbriff sende und gebe. Des zu einem bekentnus habe ich Thymo von Colditz mein ingesigil und wir Hannus von Gerisdorff ritter houptman, landman, bürgermeister et cetera der stat Gorlitz secret uff diesin brief lossin drücken et cetera. Gegeben zu Görlitz dornstags in octava corporis Christi.