Heyncze Rewther von Jocoff Greuetils und seiner gesellschaft wegen had geclagt zcu Jocoff Ditters von Ulm gutern, die her zcu Caspar Lelaw had vorhindert, umme funfczig Reynische gulden, und had die furderunge Peter Mezersitz von Prage gegeben. Item Peter Mezersitz had dyselben gutir ouch vorsprochen und droczu geclagt umme hundert und neunczig mark groschen und Peter Meserzitz had die furderunge seiner und Heyncze Rewters sachen vorbasß Caspar Lelaw bevolen zcu thun und zcu lossen in sulchir mosse, das her doch ouch metemacht beheldet.