Houptmanne und ander eldisten des heres der wayzen und Thaberen, Blazek von Cralupp, Sigmund von Slan, Jaroszlaw von Bukowyn, zu felde bey Strelen: den vorsichtigen und menlichen in dem orden gotes, bürgermeistern und den rethen der stedte und des kreises Gretz, Czaslaw, unsern lieben brüdern. Hetten vormals auch geschriben auff zu sein zu der mühe des feldstreites, sollen mit bruder Cralowtzen zu inen zihen unverzüglich. Wollen eine grosse fürderunge zuforderst gotes gerechtikeit und iren landen thun. Begeren einen undirricht, wie sich ir bruder Welyk gehabe et cetera. Datum am grünendonnerstage (sine anno). Iidem und pfaff Procop genand Holj vor Strelen: den woltüchtigen und Gotes gerechtikeit getruwen Jan von Cralowitz unserm bruder vor andern lieben. Zum dritten angehalten ohne sewmnisse mit dem folcke sich zu samlen in dem creys zu Gretz, Czaslaw, Gurym et cetera zu inen in die Slezia zu der Sweidnitz oder wo er sie gewar würde et cetera. Die finde die in diesem sommer auff sie zihen onmechtig machen helffen et cetera. Fragen auch nach dem bruder Welcko, wie er sich gehabe et cetera. Datum am grünen donnerstage (sine anno).