Mein willigen dinst czuvor. Ersamen, weysen, liben herren! Ich thu euch czu wissen, daz mir dy Behmischen herren und stete manigfeldiclichen geschriben und vermant haben, das ich mich von meins herrn und diss kreiszs wegen besenden, sammen und darczu thun und euch besenden schulle, ab wir dy feynde ausz der stat Myesz brengen und wider beschedigen möchten, als ir denn in herrn Borjan vom Gutenstein ingeslossen brif wol vernemen werdt et cetera. Also wil ich heynt mit meins herren lewthen und dynern czur Toppel sein und bith euch von meins gnedigsten herrn, des kuniges, und diss landes nücz und erwerb besten wegen, daz ir auch mit ewrer macht von stunt auff sein und darczu thun (zu) uns czu czihen wollit an allis sewmen. So hoff ich, das dy feynde unszr in der stat nicht erpeiten, wenn sie ye czu kranck darinn sein und lat des an euch nicht gebrechen. Das sol mein herre und diss gancz lant williclichen gerne umme euch verdinen. Gegeben unter meym insigl am montag Jeronimi et cetera. Heincz von Dolen, foyt czu Petschaw.