In nomine domini, amen. Nos Paulus de Praga, Pragensis et Olomucensis ecclesiarum canonicus vicarius in spiritualibus et curiae episcopalis Olomucensis officialis, notum facimus tenere presentium universis, quod constitutus coram nobis circumspectus vir Iacobus de Dobrokowitz, procurator generalis consistorii curiae episcopalis Olomucensis procuratorque, et procuratorio nomine honorabilis viri domini Zeboldi Hartfaust de Holandia, altaristae capellae sancti Laurentii martyris et sanctorum martyrum Margarethae, Agnetis et cetera annexe choro ecclesiae parochialis beatae virginis Mariae in Oppavia, quandam literam in pargameno scriptam uno sigillo mediori rotunde, de cera rubea albae, cerae impressa pedenti inpressula pargameni. In cuius sigilli medio clypeus supra quem clipeum galea in summitate galeae, quasi cornua litera vero circumferentiales eiusdem sigilli erant tales: + S. Przemkonis dei gratia ducis Oppaviensis sigillatam, exhibuit, cuius tenor sequitur et est talis.

In nomine domini, amen. Ad perpetuam infrascriptae rei memoriam. Nos Przemko, dei gratia dux et dominus Oppaviae, recognoscimus manifeste, quia bona deliberatione et maturo consilio vendidimus perpetue iusto venditionis titulo unam marcam annui census grossorum Pragensium moravici numeri et pagamenti, iure domini ad nos pertinentis et solvi censuetam in et super villa dicta Eckerszdorff, in ducatu nostro sita superque eius universis censitis hominibus in eadem villa habitantibus, honorabili viro domino Sebalde Hartfaust de Holandia, altarista capelae sancti Laurentii, altaris et sanctarum martyrum Margarethae, Agnetis et cetera annexe choro ecclesiae parochialis beatae virginis Mariae in Oppavia et suis successoribus eiusdem capelle altaristis pro decem marcis grossorum Pragensium numeri et pagamenti predictorum nobis integre persolutorum et in usus nostros utiliter conversorum, exigendam, tollendam et recipiendam a censitis dicte villae Eckerszdorff, iure perpetuo singulis annis in die sancti Martini volentes, et mandates, quatenus iudex dictae villae colligat eandem marcam census a censitis ipsius ville eamque praesentet, importet, numeret et solvat cum effectu praenominate domino Zeboldo aut successoribus suis universis quittantes nihilominus eosdem censitos et eorum quemlibet a solutione nostra dictae marcae et transfundentes omne ius solutionis eiusdem marcae in supranominatum dominum Zeboldum aut successores suos. In cuius perceptionem promittimus ipsum dominum Seboldum aut successores suos quovis modo non impedire, immo magis ipsum aut ipsos in huius censu dictae marcae manu tenere et gratiose promovere, hoc etiam memoriale haeredibus nostris relinquentes, maxime cum eadem marca census pro divini cultus augmento applicatur, annuentes et consentientes, immo magis desideriose petentes reverendissimum in Christo patrem dominum Cunzonem, episcopum Olomucensem, aut in spiritualibus generalem eius vicarium, quatenus huiusmodi marcam census ad altare dictae capellae una cum domo, sita in Oppavia prope ecclesiam parochialem in loco dicto convent, quam praenominatus dominus Seboldu suis propriis construxit et aedificavit sumptibus, ad tenendam, possidendam ac iure perpetuo, quiete et pacifice inhabitandam, pro capellano dictae capellae sancti Laurentii nec non pro altaristis sancti Nicolai altaris in ecclesia sanctae Clarae in Oppavia situati, sua authoritate ordinaria appropriet, annectat, confirmet et perpetuo incorporet, etiam quando saepe dicta marca per censuram ecclesiasticam exigatur toties, quoties necesse fuerit. Nosque eandem marcam cum supradicta domo ab omni solutionis onere eximimus et liberamus. In quorum omnium praemissorum robur et testimonium paesentes literas nostras sigillo nostro maiori iussimus communiri. Datum in Oppavie anno domini millesimo quadringentesimo tricesimo tertio in die sancti Matthiae apostoli.

Post quarum quidem literarum exhibitionem et praesentationem praenominatus Iacobus Dobrozkowitz, quo supra nomine nobis humiliter supplicavit, quatenus marcam census annui ad altare dictae capellae una cum domo sita in Oppavia in loco dicto convent, quam dictus dominus Seboldus suis propriis construxit et cedificavit sumptibus ad tenendum, possidendum ac iure perpetuo, quiete et pacifice, inhabitandum pro capellano dictae capellae sancti Laurentii, nec non pro altaristi altaris sancti Nicolai in ecclesia sanctae Clarae in Oppavia situati, appro priare, annectere, confirmare et perpetue incorporare ac omnia et singula infrascriptis literis contenta, rata et grata habere, admittere ac anthoritate ordinaria confirmare dignaremur. Nos vero petitionibus ipsisu Iacobi, procuratoris, nec non de consensu ac ad petitionem illustris principis et domini domini Przemkonis, ducis Oppaviae, ut pote rationabilibus annuens, huiusmodi marcam census annui ad altare dictae capellae una cum domo ad tenentum, possidendum ac iure perpetuo quiete et pacifice inhabitandum pro capellano dictae capellae sancti Laurentii, nec non pro altaristis altaris sancti Nicolai in ecclesia sanctae Clarae in Oppavia situati appropriamus, annectimus et perpetue incorporamus. Ac omnia et singula infrascriptis literis contenta, rata et grata habentes admittimus ac authoritate ordinaria confirmamus. In quorum testimonium et robur praesentes literas fieri et sigillo vicariatus ecclesiae Olomucensis iussimus munimine roborari. Datum Olmuz anno domini millesimo quadringentesimo tricesimo tertio, die vicesimo mensis mai.