Albrecht von gotes gnaden herezog ze Osterreich et cetera. Edler, sunder lieber! Als die vngelaubigen Hussen Hainreichen von Gapelpach, Ernsten den Dorner, Hannsen den Reiffendorffer vnd ander ettleich ir gessellen, vnser landlewt in deinem dinst, geuangen habent vnd die du von in vmb ain summ gross ausgenomen hast auf ain widerstellen: begern wir vnd bitten dich mit fleiss, daz du dir die egenanten vnser landlewt lassest ernstleich empholhen sein, damit sy der vencknuss mit eren ledig werden, wan dich das eret vnd künftigen frumen bringen mag, als du selb wol versteen macht. Geben ze Wienn an phincztag vor sand Anthonien tag anno et cetera quadringentesimo vicesimo primo.

Dominus dux in consilio.