In gotis namen amen. Wir pruder Johannes apt, Jacobus prior, Stephanus kelner und der ganze konuenth des klosters genant der prun unser liben frawen zum Sahers bekennen offentleich mit disem kegennortigen priff allen di in sehen ader werden hören lezen, das wir mit wolpedorchtem mit durch unz wille unsers klosters, unser wasser das do vint aus der Tey hinter Grilwicz mit rechtem kawff, vorkawft haben den erbern lewten zu Grilwicz gesessen Jurgen, genant des Olers, zum zu seinem leibe Niklas des selben Jurgen zum auch zu seinem leibe und Jurgen des Gilgen stiff zum zu seinem leibe um dressik mark grosschen mererischer zal, für und zechzik gros vor eine mark gezelt insulcher masse das si des egenanten wassers genissen schullen zum si am pesten vormugen und dowon schollen si di vorgenanten uns und unserm kloster ein mark grosschen alle iar zinsen di weil di drei vorgenanten leben und wen wir apt, kelner ader unser amptlewt hin aus ken Grilwicz komen ze schullen si uns fische unser notdorft geben zem ist von alter recht und gewonheit ist und ab is geschehen das si den oben geschriben zins, das ist ein mark zu rechten tegen halb auf sand Jurgentag und halb auf sand Michelstag, nicht geben alle iar und mit frewel vorhalden wolden und auch von den fischen zem is geschriben stet sich aus zihen wolden ader das widerreden zi pehald wir uns macht und craft mit disem prif, das si des egenanten wassers oberhaben schullen sein und wir in vorpiten mugen als lang pis si aufrichten zu zeiten als was oben geschriben stet und wen got der almechtige uber zi gepiten wirt zu der ewigen zelikait zo schol das egenante wasser an uns und an unser kloster an alle hindernuss wider an sterben und anfallen und zu einer pestetunge und pesser zicherung den sachen hab wir unser ingesigl das ist des apts und des konvenths an disen prif gehangen. Der geschriben ist zu Brun noch Cristi gepurt tawsent iar furhunder iar ein dem zechs und zwainzigisten iar den eretak vor mitwasten.