Erbern weysen vnd lieben getrewn. Als ir vns yecz geschriben, vnd bey Waczlawern ewrm mitburger emboten vnd begeret habt, ew durch sölher beswernuss willen, so ew von den veinden stetleich widergeent, mit ainem haubtman furzesehen, damit ir ew denselben veinden desterpas mit ordnung widergehalten mügt etc., das haben wir wol vernomen. Nu versteet ir wol, daz wir in den leuffen vil ze schaffen haben; wie aber dem ist, so wellen wir ew in kürcz ainen haubtman schikhen, vnd bitten ew, daz ir ew auch angreiffet, vnd in allen sachen das pest tůt, als wir ew des sunderwol getrawn. Das wellen wir in sundern gnaden gen ew erkennen. Geben zu Wienn, an suntag vor dem heiligen auffarttag, anno etc. tricesimo.