Ich heinrich posseck czu hasla gesessen Else mein eliche Wirttynn alle unser Erben und nachkomen. Bekenne offentlich an disem brieff vor allermeinclich, die in sehen oder horen lesen das wir unsern hofe den wir gehabt haben zcu neher voidersrewt, daczu den czeiten der Conrat prossel ist auffgesessen und funff kar getreides halp korn und halp habern und czwu hennen und ein wegke umb czweu new groschen dauon czinset, denselben hof mit Manschafften Czinsen Scharbercken Wiesen Eckern holczern Velden Wassern Stocken Steinen Wuimen Weyden und allen zcu gehornugen unter der Erden und darüber sy sein benant oder unbenant keinerlei aufgenomen als wir denselben hof und sein czugehornung ynne gehabt und herbracht haben Redlich und recht, und Erbiclichen und von dem heiligen Reich zcu lehen zcu kauffen haben geben und verkaufft dem Ersamen weisen niclasen Gumerawer purger czu Eger Anna seiner Wirttynne und allen sein Erben und nachkomen, und geloben In denselben hof mit allen sein zugehornugen czu vertreten und czu versprechen und von allen ansprachen gegen allermeniclich czu freien und zcu ledigen und zu entwerren Jar und tagk als stat und landes czu Eger recht ist und gereden auch das wir nach nymants von unsern wegen furbas ewiclichen nymeriner keinerlei zcusprach fordermig nach recht, darczu nach darnach schullen noch wollen gehaben weder mit geistlichen noch weltlichen rechten noch in keinerleiweise wann ic mich des furbar ewiclichen gein Im und seinen Erben verzeihe alle argelist hyvon leuterlich ausgesaczt. Und des zcu Urkunde und bekentnuss hab ich obgenanter heinrich posseck mein eygen Insigil an disen briff gehangen und czu merer sicherheit haben dy Ersamen Conrat Meinl und Thomas Schrotel dy czeit peide Ratherren zcu Eger Ite Insigil von meiner pete wegen In on schaden gehangen an disen briff. Das ist gescheen als man czalte nach cristi unser heren gepurte Tausent virhundert und in dem Sechs und czweinczigisten Jare am nesten Suntag nach sand Marcus des heiliger ewangelisten tage.