Wir Albrecht, von Gotes gnaden herczog ze Österreich, ze Steir, ze Keªrnden und ze Krain, markgraf ze Meͣrhern und graf zu Tirol etc., bekennen, als wir unsern getrewn Merten und Bernharten, gebrüdern den Amaissern, vormalen verlihen haben ainen hof in der vorstat zu Eybanczicz gelegen mit zwain phlugen akkers, czinsen und allen andern rechten, als von alter darczů gehorent, der von uns als markgraven zu Meªrhern lehen rüret, nach lawt unsers lehenbriefs, den wir in darumb haben geben, daz wir denselben brüdern die sunder gnad getan und in geurlawbt haben wissentleich mit dem brief, daz si ir hawsfrawn umb ir heyratgut auf denselben hof mit der vorgemelten seiner zůgehörung geweisen, oder den sust nach iren notdurften, wem si wellen, verseczen mügen. Doch wem si den also verseczen, daz uns der davon diene und damit gehorsam sey, als von alter ist herkomen und als lehens und der markgrafschaft zu Meͣrhern recht ist, unvergriffen menicleich an seinen rechten ungeverleich. Mit urkunt des briefs, geben zu Wienn an eritag nach Letare in der vasten nach Kristi gepürde vierczehenhundert jar und darnach in dem zwayunddreyssigisten jare.

D(ominus) dux p(er) Wilh(elmum) Ebs(er) capit(aneum) in Bo(herlicz).