Wir burgermeister und rath der stat zcu Brüx bekennen offenlichen mit disem brife, bekennende vor allen gemeniglichen: das Hanns von Milticz und Hanns Maxin sein derbey gewest. Als wir Ratenhoffe dem Hartunge und Heinrichen von Crinicz abgebrant haben durch beste willen der stat. Unde dorumbe gereden wir und globen den abgenanten Hartungen und Heinrichen von Crinicz und iren erben, wenn ein haubt im lande wirtt und zcukunfftiger königk, das in solle redliche widerstatünge vor ire scheden geschen. Des zcu bekenntnuße wir obgenante burgermeister und rath der stat zcu Brüx unser insigel haben lassen uff disem brife drücken. Der geben ist noch Cristi geburt MCCCCXXI jare, den nechsten donerstage noch sant Bartholomeus tage.