Wir senden zu euch den erbern Witche Melhosen zeigern, unser werbende botschafft an euch zu brengen. ― Ist das anbringen gewesen, das die Landszcrone herzog Hannsen alleine were und herr Sigmund von Wartenberg nichts doran hette; wolte der land und stedte gutter nachbar sein; solten solches den andern auch zu wissen thuen; wolten seinem hauptman speise und andir noturfft aus der stadt zukomen lassen et cetera. Hette sein herr schon eine bestalte botschafft an keyser hierüber gefertiget. Am tage Barbare.