Elizabeth, relicta Pesoldi linicide, civis Maioris civitatis Pragensis, non coacta nec compulsa, sed sponte et libere resignavit atque condescendendo resignat omnia bona sua, mobilia et immobilia, habita et habenda et presertim illud dotalicium in Petrowicz Elsscze, relicte Janconis Kbelsky, filie sue dilecte, ad habendum, tenendum, utifruendum, gubernandum et hereditarie possidendum tantum ad effectualem exaccionem testamenti, propterea quia predicta domina Elizabeth, relicta Pesoldi, hanc sibi specialem conservavit atque presentibus conservat potestatem, quod possit omnia et singula bona predicta, quecumque habet aut habere poterit et nominaliter dotalicium prefatum legare, testare et donare in vita aut in articulo mortis sue cui competencius visum ei foret secundum placitum sue voluntatis; in casu autem si ipsam inprovise aut subitanee absque testamento, quod absit, mori contingerit, ex tunc post mortem eius prefata domina Elsska, nata sua, presentibus habebit plenam potestatem de bonis omnibus et singulis predicte genitricis sue presertimque de dotalicio in Petrovicz se intromittendi ad tenendum, habendum, regendum, utifruendum et possidendum hereditarie ac cum eisdem agendum et disponeudum secundum libitum proprie voluntatis eo tantum expresso, ut duodecim sexagenas gr. quolibet anno pro panno pauperibus et aliis necessariis pro anima predicte matris sue, benefactorum et predecessorum suorum daret, tribueret et sine omni contradictione de prelactis bonis assignaret. Si quis habet contra hoc loqui, ipsa parata est disbrigare secundum ius civitatis et publicavit iudicio primo, secundo, tercio, quarto. Iudicium bannitum feria quinta proxima post festum sancti Viti anno domini MCCCCXXIX; iudex Petrus de Chrast, consules Mathias Smolarz, Hedwica sartor, Mathias a pectinibus, Sdenco candelator, Barthossius pannifex, Crux thorifex, Johannes a paternoster, Johannes a stellis, Nicolaus a sagena, Jacobus frenator et ceteri.