KOMPLETNI REFERENCE PUVODNI LISTINY
Dle originálu.
Dle originálu.
originál; zápis v městské knize
pistores
una iopula nigra et alia spissa
a šedou suknici. Pokud jeho švagr unam loricam
. Rovněž se přiznal k dluhu pěti kop a 12 grošů vůči ad alios pueros ipsius inter se equaliter dividenda devoluentur
, vyjma suknice a pláště, které mají být vynaloženy na vykonání pouti k de quibus iter unum pro anima patris dicti Nicolai ad limina sanctorum Petri et Pauli peragi debet
. Pokud by zemřeli všichni jeho synové, mají veškeré jim odkázané majetky připadnout jeho ženě
Testamentum Johannis Enderlini de Montibus Chuttin et citera
Johannes Enderlini licet eger corpore sana tamen mente testamentum sue ultime voluntatis faciens testamentarios constituendo Johannem Ebmer et Petrum Vorndl pistores huiusmodi testamentum disposuit in hunc modum. Primo legavit Nicolao nato suo unam tunicam flavi coloris vulpibus pellibus subductam, unum nigrum palium, duo nigra capucia et unum birretum griseum. Item XXII centenarios arvine circa Petrum Vorndl pistorem tollendum et Anne sue conthorali eciam legauit XXII centenarios arvine circa Petrum Vorndl pistorem tollendos et percipiendos, cum eisdem faciendi et dimittendi sicut placet. Eademque Anne conthorali sue legauit arvinam, quam habet in Montibus Chuttin, ipsum pro sua parte desinentem, de qua Wenczesslao fratri suo IIIIor sexagenas grossorum dare debet. Deinde domum suam, quam habet in Montibus Chuttin, dum et quando ad eandem possint pervenire, commisit vendendi et pecunia, pro qua fuerit vendita, medietatem Nicolaus filius suus supradictus percipiat. Aliam vero partem pecunie domus memorate Anna conthoralis ipsius predicta percipiat omni sine impeticione et faciat cum eadem, sicut ei placet. Item legavit Wenczesslao sororio suo tunicam flaveam, tunicam subductam cum una iopula nigra et alia spissa et unam tunicam grisei coloris. Si enim idem Wenczesslaus decesserit, tunc illa sibi legata ad Annam uxorem Johannis Enderlini supradicti devoluentur. Item Nicolao filio suo supradicto legavit unam loricam. Item Johannes Enderlini dixit se Petro Vorndl pistori obligari in V sexagenis grossorum cum XII grossis, quas ipse Vorndl habere et tollere debet de arvina partium utrarumque predictarum, que circa ipsum Vorndl reposita existit. In casu vero, si Nicolaus Enderlini supradicti decesserit, extunc bona sibi per patrem legata ad alios pueros ipsius inter se equaliter dividenda devoluentur, exclusa tunica et palio predicto, de quibus iter unum pro anima patris dicti Nicolai ad limina sanctorum Petri et Pauli peragi debet. Si autem omnes pueri decesserint, tunc bona omnia puerorum eorundem ad Annam conthoralem Johannis Enderlini supradicti debent devolui pleno iure. Actis et registratum feria quarta post Simonis et Iude apostolorum anno et cetera XXIo.