Wir Albrecht von gotes gnaden herczog ze Österreich, ze Steir, ze Kërnden und ze Krain, graf ze Tyrol etc., schaffen mit dir, unserm getrewen lieben Berchtolden von Mangen, unserm hubmaister, und wellen ernstleich, daz du von den nüczen, so du von unsern wegen innymst, unserm lieben getrewn Düringen von Hallwil, unserm hauptmann zu der Igla, unverczogenleich gebest und auzrichtest hundert guldein, die wir im von gnaden geschaft haben. Und wenn du das getan hast, so sagen wir dich derselben summ guldein ge^anczleich ledig und wellen dir die an deiner raittung legen und abcziehen. Mit urkund des briefs, geben ze Wienn an eritag nach sant Iörgen tag anno etc. vicesimo tercio.

Dominus dux in consilio.