Wir bruder Jacob Compther und pfarrer zu Troppaw und der ganz conventh doselbst bekennen offintlichen mit desem briff, das vor uns komen ist der ersamer bruder Mika pfarrer von sant Benedickt zu Prage, und hat uns vorgeleget und geklagt uber bruder Urban pfarrer zu Grecze das her sulde haben gereth zum herrn Tÿl prister herren conventesbruder zu Marienburge das der egenante bruder Mika sulde habe gehalden mit den Wyklefen in allen stucken, des haben wir vorgenanten bruder gefroget den egenanten bruder Urban, ab er hette das gereth, antwart her …. Ich globe bei meinem orden und meine trewe …, das er der rede ny habe gereth, und weise dofon nicht, sundern er wise das, das der egenante bruder Mika ist ein fromer … bruder wol gehalden alle seine tage, und das berumen auch alle mette naudirn bruder vorgenant, das her sich alle segne zeit bei unserm orden fromelichen und erbelichen hat gehalden, und hat von den Wykleffen vil unselikeit und jamer geliden, und hat das seine von en vorloren, und kawm von en mit leben ist komen. Datum Oppawie die conversionis sancti Pauli anno domini MCCCCXXII, sub sigillo conventus et domus Oppawiensis in testimonium premissorum.