Ich Wilhalm der Waldner bekenn, als ich dem hochgeboren fürsten herczog Albrechten, herczogen ze Österreich etc., meinem genädigen herren, yeczund hie ze der Ygla gesöldent hab hundert und zwen werleicher ze rossen auf ain halbs viertail jars, das sich anfengt am suntag vor sand Katrein tag und sich enden wïrdet an der heÿligen dreÿ künig tag nachst künftig. Nun ist aim yegleichen werleichen ze rossen die zeit ze sold beschaiden fünff guldein, das in sum bringet funff hundert czechen guldein. Also hat der vorgenante mein genädiger herr die vorgenanten söldner die zeit irs solts gancz ausgericht und beczalt und sag in darum genczleich quit, ledig und los. Mit urkund, geben ze der Ygla am suntag vor sand Kathrein tag anno Domini etc. vicesimo tercio.