Unsere willigen dinste zuvor, gestrenger lieber her foyt und besunder gunner! Als ir uns die zeitungen von der ketczer wegen geschriben habit, des dangken wir uch mit dinstlichem fleisse. Also lossen wir uch wissen, das wir von solcher zeitunge vormals auch gewarnit sein. Und als ir denne furder schreibt undir andirn sachin, ab uns auch synlich were zu dingen vor unsers allirgnedigsten hern des Romischen et cetera konigs stad und domete berurt unsers allirgnedigsten hern des konigs land: nu sein unsers allergnedigsten hern des konigs manne yczunt by uns nicht, und kunnen sulche sachen ane iren rat so kurcz nicht vorhandiln, das wir uch keine eigentliche antwort daruff nicht geschriben mogen. Und auch so mogit ir by uch selbis wol merken, das uns das ane wissen unsers allirgnedigsten hern des Romischen et cetera konigs nicht zu thun stehet. Geben zu Gorlicz des sunabends vor dem suntage reminiscere under unserm stat secret.