Elisabeth von gotes gnaden herzogin in Slesien zum Brieg und zu Lignitz et cetera dem erbarn woltüchtigen Gotschen Schoff uff dem Greiffenstein gesessen. Wir bithen euch mit fleiss, das ir uns schreiben wollet, was von frembdes volckes und von wanne dy zu euch kommen sind et cetera. Auch ob sy noch zu Reichenbach ligen oder ob sy sost irnt anderswuhin willen haben zu zihen, das wollet uns eigentlichen mit disem bothen vorschreibin et cetera. Geben zu Lignitz am dornstage nach circumcisionis.