Ludwig von got gnaden herzog und hirre zu Loben et cetera. Unser gunst und allis gut, erbere und weize besundere lieben gonner! Vor uns ist komen Nickel Vogeler zu Haynaw und hat uns vorgeleget, das her in und uff euir stad Gorliccz zinse hat. Nu ist der unser sere von brandes und der ketczer wegin vorterbit, und em seyne zinse bei langer zeit nicht ausgerichtet seinth, betin wir euch mit begerlichim vleisse dem itczund genanten Nickeln Vogelern zu handlangen und in seynen sachin gunstigen willen zu beweizen, das em seyne zinse mochten werden. Doran erzeigeth ir uns sunderlichen guten willen und gancz wolgefallen. Gebin zu Loben an der mittewochen vor dem suntage, als man in der kirchen gotis singeth vocem jocunditatis et cetera 33.