Nos Paulus Klass, pro tunc magister ciuivum, Johannes Pilgreim, Martinus Plümel, Vlricus arcufex, Martinus, institor, Stephanus Chrudeiner, ceterique iurati ciues in Znoyma, notum facimus tenore presentium uniuersis, quod coram nobis constitutus prouidus vir Nicolaus, carnifex Plüntenschedl, recognouit se vendidisse mediam sexagenas grossorum annui census pro quinque sexagenis grossorum pragensium super suo macello penes maccellum Jacobi Kutlerii situato, religiosis in Christo fratribus prior conuentui monasterii sancte crucis apud nos fratrum predicatorum ordinis sancte Dominici, quod per honestam dominam Ludlinissam felicis recordacionis in salutiferam elemosinam pro aniversario perpetuo singulis annuis bis in anno videlicet circa festa sanctorum Georgii et Michaeli ob remedium spei salutis eterne sue et progenitorum suorum in solidum animarum cum tribus leccionibus vigilias et una missa defunctorum decantando et visitacione sepulchri paragendo fratribus predictis prioris et conuentui datis et legatis, quem quid censum dictus Nicolaus Plutenschedl, nostra conciuis, heredes et successores temporis annis singulis semper in festo sancte Georgii quindecim grossos et in sub sequenti continue festo sancti Michaeli totidem prefatis fratribus, qui pro tempore fuerint porrigere et censuare debet et tenentur indilate, quod si non fecerit negligencia quacumque interueniente ex tunc per nominati fratres prior et conuentus liberam habebunt potestatem eundem retentum et non porrectum tensum pro suo termino recipere et conquirere inter christianos vel iudeos super dampna prefati Nicolai, carnifex, heredum et succesorum suorum et super vadio supranotato, ad quod promittit cum omnibus aliis bonis suis et qui nullus census in bonis ciuitatis nostre perpetuari post ideo licitum est eidem Nicolao, heredibus et successoribus suis eundem censum reemere pro aliis quinque sexagenis grossorum dum et quam ipsis extiterit pecunie facultas prestito tamen pro rata temporis censu et ad hanc reempcioni ad mitti tenebuntur et nullatenus impediri. In cuius rei testimonium ad preces memorati Nicolai sigillum nostre ciuitatis de certa nostra sciencia presentibus est appensum. Datum in die sancti Egidii anno domini millesimo quadrigentesimo tricesimo et cetera.