„Litera electorum missa Johanni Streitperger Episcopo Ratisbonensi pro subsidio pugnandi contra hæreticos."

Wir von gotes gnaden Conrad zu Maincz, Ott zu Trier, Dyetreich zu Köln, erczbyschôf, Ludwig, pfalczgraff bey Rein, herczog in Bayrn etc., Albrecht herczog zu Sachsen, Lüneburg, vnd Fridrich marggraff zu Brannburg etc. alle dez heyligen Römischen reychs chürfürsten: Enbieten dem erwirdigen vnserm besundern gueten frewnt, herren byschoff zu Regenspurgk, vnser frewntlich dienst zuvor. Waz grosser vnd schlâglicher keczerey vnd vngelauben in dem künigkreich zu Behem layder aufferstanden ist, vnd wie sich die lang zeit gemert hat, vnd als ze besorgen ist, wo man daz nit fürkömet, mer vnd mer meren wird; wie auch die keczer derselben keczerey, dye man gemainklich Hussen nennet, christengelaubigen menschen, die sich solcher keczerey nachzuuolgen auffhalten, mit vngehörten peynen martern vnd tôten; waz sy auch an gotzhewsern zestörung, gotes seiner mueter Marie, vnd aller heyligen, vnd darzu der heyligen kyrchen vnsern cristengelauben der priesterschafft vnd aller heylichait lestrunge vnd mancherlay ander pôszhayt vnd übeltät langczeit begangen haben vnd tâglich begen, ist nit notdurfft, daz man daz mit vil worten lewter, wann daz euch vnd allen christenmenschen offenwar vnd kunt ist. Wann nu ein grosz anligent notdurfft ist, daz all dye christenmenschen, gotes vnd christenglaubes liebhaber söliche iczgunde grösse vnd swärübeltäte vnd ze foraus zerstorung vnd lesterung in ire hercz vnd gemuete rueffen wider dye vorgenanten keczer auffvten vnd krefftichleich helffen, gotes, seiner mueter, aller heyligen, cristens vnd ir selbs glauben, er ze retten, vnd also der allerdurchleuchtigst fürst vnd herr, Herr Sigmund, Römischer könig, zu allen zeyten merer des reychs, vnd zu Vngern, zu Bechem, Dalmacien, Croacien etc. kunig, vnser genädiger lieber herr, vns obgenannten kurfürsten all vnd darczu gemainckleich all sein vnd des reichs fürsten, geystlich vnd werntliche, grafen, edle vnd stete, zu im gen Nürnberg ze komen gerueffen hat, doselbs wir auch dyse zeit pey im vnd mit sambt im vnd grossen rat der vorgenanten fürsten, edlen vnd stet ain worden sein, vnd also von im vnd vns mit rat der vorgenanten des reichs fürsten vnd getrewen uberkomen vnd geordent ist, als hernach geschriben stet, mit namen, daz vnseryglicher vnd also ygliche des reichs fursten, gaystlich vnd werltiche, prelaten, grauen, herrn vnd stet ein nämliche zal gewapptends volkchs vnd schützen wider dye vorgenanten keczer gen Becheim schicken vnd dye daselbs ein gancz jar zu harren versorgen schullen, dye vorgenant keczer vnd keczerey mit gotzs hilffe vnd taglichem krieg ze hellig machen vnd zetemnen, vnd wann ir vmb fünff mit gläuen zu den vorgenanten sachen ze schicken nach dem gleichsten vnd pesten angeschlagen seyt, darumb bitten wir eur lieb vnd frewntschaft mit allem fleyss vnd ernst, vnd manen euch auch, wez wir euch durch den ganczen christenhait willen ermanen mügen, daz ir got vnserm herrn vnd seiner mueter Maria vnd aller heyligen ze lob vnd ze eren vnd nämlich aller christenhait ze hilff vnd ze trost vnd ze rettung cristengelaubens vnd darczu dem vorgenannten vnserm genädigen herrn, dem römischen Künig vnd dem reich, zu dem ir auch gehört, ze komen, die vorgenanten notdurft anligent ze herczen nemet, vnd darczu tuen vnd helffen wellet, daz dye vorgenant ewr zal mit gläuen wider die vorgenanten keczer vnverziehen vnd wol erczewgt ein gancz jar zu harren ausgericht vnd nach irer notdurfft versorgt werden, als vorberurt ist, vnd also auff sand Michelstag nächstkünftig vmb Nürnberg oder fürbasser vmb Eger ze sein vnd auf dye hawbtlewt darczu geseczt ze warten vnd zw tuen, daz sich gepüret. Als euch dann der vorgenant vnser genädiger herr der künig auch dauon schreibet, vnd als wir ein gancz vnd vestes getrawen zu euch haben, wissen wir wol, daz ir selber aygenklich verstet, was verdiens vnd lons ir darumb von got vnd er von der werlt gehaben muget. So wellen wir daz auch gegen euch vnd den ewern mit sunderlichen vnd günstlichen frewntschafften allczeit güetlichen erkennen vnd bedencken. Geben ze Nürnberg vntter vnsern Conrads ze Maincz, Otten ze Trier, vnd Dyetreich ze Kölne, erczbyschöfe, vnd Fridreichs marggrafe ze Branburge insigeln, der wir andere prestenhalb der vnser auff dyse zeit mit im gebrauchen. In die sancti Egidii anno etc. XXII.