Catherina von gots gnaden herczogynne zcu Sachsen und maregraffynne zcu Missen.

Liben getruwen. Als uch unser liber herre und gemahel in dissem ingeslossenn brieffe schribet, den wir uffgebrochen haben, das wir uns dar noch wusten zcu richten, alse ist uns hynt ware botschafft kommen. Und der voit zcu Missin ist bie uns gewesen und hat uns bericht, wie die ketczer Awsk bestallen und mit storme notigen wollen, als ir daz yn disser ingeslossenn czediln werdet einteils vernemen. Dauon begern wir von uch mit ganczem ernsten fliesse, das ir euwer anczal von stundan ane sumenisse ußrichtet und bestellet, das dye morne uff den abund hie synt und uff dissen nehesten sontag gein Pyrne uff den abund gewislichen kommen mogen, und dem voite zcu Missen do volgen und noch syner anewisunge halden, gliech ab er uch geschreben hette, wenn er uch durch der kurcze nicht konde geschriben. Und last das in keinenweiß, dar an tut ir uns wol zcudangke. Gegeben zcu Grymme am donrstage vor Purificationis Mariae anno et cetera vicesimo sexto.

Dem rate zcu Lipczk unsern liben getruwen.