Anno domini M^oCCCC^oXXXVI. Hannus Ramyssch wegen mit Peter Czanter.

Wir Hannus Pedik foyt czu Kempnicz und Petir Waczla burgermeyster, Nickil Sebinkegil, Nickil Schonbusil, Niclas Eycheler, Kempniczer Schuster, Pesch Laureyn, Sigemund Harnyss, Niclas Becke, Hannus Bouer, wir gemeyne der schepphen bekennen offentlich in disem stat buche, das vor uns komen synt Hannus Ramyssch und Petir Czantir unser mitenacbuerin umme den an val von Peterz Ramyss kynthz wegen. Got genade der zelin. Und han eyn gancze berichtunge gehat umme den an val vor gehekgter banck, do alle dyngk craft und macht habin, also, daz Petir Czanter hat gegebin und beczalet und abegericht V sexagenas groschen pragisscher muncze von des Peter Ramyss kyndes wegin an val dem Hannus Ramyss. Unde di vorgenanten V sexagenas groschen sint komen in Hannus Ramyss guter und erbin. Und daz Hannus Ramyss vorbas gancz gar los und ledyk unde fry an alle ansproche gelasen hat unde lesit Petir Czanternn unde Petirz Czanterz gutir und erbe nu und nymmer me dor yn czu reden. Auch hat Hannus Ramyss globit vor sine eliche kynder, daz keyns nymmer me jnne Petirz Czanter guter reden sal, noch mit keynen rechten jnne Petirz Czanter guter tedigen ader anfangen mak, sunder dy obengeschriben rychtunge gehalden sal werden ewiclich vor eine gancz gar berichtunge von Hannus Ramyss mit Peter Czantern. Daz do geschen ist noch Cristi geburt tusent jar fyrhundert iar indem XXXVI iar an der nestin mitte woche noch der heyligen Junchrvrow Dorothea tag.