Wir landmanne, burgermeister und rathmanne des landes und der stat Gorlitz bekennen offintlichin mit diesem brieve et cetera: Als der gestrenge Hannse von Polentz voit zu Lusitz eyn gůtlich stehin und frede zwischen deme edlen herr Wentschz von Donyn und uns biss uff vasznacht nehst kůnfftig 5. März 1432 berett, betedinget und gemacht hat et cetera, globen wir obgenanten et cetera, von disem hůtigen tage bisz uff vastnacht obgenent und denselbin tag aus und aus in guten trauwen und ane arg mit allen den, die umb unsern willin thun und lossin wellin, stete und gantz zu haldin, ane arg und alles böses geferde mit den, dy mit im in die fehde kommen sein. Das zu einem bekentnisse et cetera habin wir landmanne Heintzen von Keselingswalde ingesegil und wir burgermeister et cetera der stad Gorlitz secreth unden an dissin brieff lossen drucken, der gegeben ist des montags noch unser liebin frauen tag irer geburt anno 1431.