Ich Hertneid von Liechtenstain von Nicolspurg bekenn und tun kund offenleich mit dem brief das mir die erben weisen und der burgermaister und der rat der stat ze Snoim ausgericht und bezalt habent newnundsibenzig markch und vierunddreissig grossen die si zu sand Michels tag nachst vergangen in die kamer des allerdurchleuchtigisten fursten meine gnadigen lieben heren hern Sigmunds romischin, ungerischen und behemischen et cetera kunigs gericht sollen haben und wan mir derselb egenant mein her der kunig sollen sein kamergelt geschaft und inzunemen emphalten hat so sag ich dieselben vorgenan burgermaister und rat der stat ze Snoim umb die obgeschriben newnundsibenzig markch und vierunddreissig grossen genzleich und allerding ledig quitt und los mit urkund des brieffs. Geben ze Brinn an sand Anthoni tag anno domini M°CCCC°XXII^ci.