In nomine Domini amen. Anno nativitatis eiusdem millesimo quadringentesimo vicesimo, indiccione tredecima, die sequenti mensis januarii, potificatus sanctissimi in Christo patris et domini nostri, domini Martini, divina providencia pape quinti, anno eius tercio in Egra in estuario hyemali domini comendatoris ac plebani dotis sive domus fratrum cruciferorum theutonicorum Ratisponensis diocesis in mei notarii publici infrascripti et in subscriptorum testium presencia ad hoc vocatorum et specialiter rogatorum, constituti personaliter circumspecti viri Johannes Kothenplaner, tunc temporis proconsul seu magister civium et Nicolaus Gummerawer, consules ac cives civitatis Egrensis predictis Ratisponensis diocesis vite et nomine consilii tocius communitatisque universe civitatis iam dicte quendam cirographum seu privilegium sigillo regie maiestatis munitum in membrana munda scriptum non abolitum nec in aliqua sui parte viciatum sed omni prorsus suspicionis carie carens exhibuerunt ad intuendum perlegendum transsumendum et publicandum cuius tenor sequitur per omnia in hec verba: Karolus dei gracia Romanorum rex semper augustus et Boemie rex. Universis presentes litteras inspecturis. Harum serie patefiat, quod dilectorum fidelium nostrorum civium civitatis Egrensis integerrime fidei et devocionis puritatem et affectum, quibus erga regale culmen et regnum nostrum Boemie hactenus semper claruerunt, interna mentis consideracione pensantes, eisdem civibus promisimus et bona fide nostra promittimus per presentes, quod predictam civitatem Egrensem nunquam alicui homini aut persone, cuiuscunque status, condicionis seu preeminencie existat, pignori obligabimus aut quovis alienacionis tytulo seu modo a regno seu corona nostri regni Boemie segregabimus et curabimus aliqualiter separare. Harum testimonio literarum. Datum Prage prima die mensis Marcii anno domini millesimo trecentesimo quadragesimo octauo, regnorum nostrorum anno secundo. Insuper litteram reco…s…, ut prefertur erat roborata appensione sigilli magni et rotundi, quod impressum erat albe communi cere pendens in pressula pergamena, cuius impressio in facie sui parte anteriori continebat ymaginem regiam coronatam in sedili cymboriato, qui consedentem in manu dextra sceptrum pomumque cum cruce in sinistra habentem et in latere dextra sedilis scutum cum aquila extensarum alarum a sinistro vero scutum cum leone bicandato, littere itaque circumferenciales ad instar capitalium stulpte hac observabat pronuncciacionum: Karolus dei gracia Romanorum rex semper augustus et Boemie rex, quam quidem literam sic exhibitam, conspectamque et perlectam plenarie et expresse predicti constituti petiverunt ipsam per me notarium publicum infrascriptum transsumi et transcribi, fierique et confici unum vel plura publicum seu publica instrumenta. Acta sunt hec anno, indiccione, die, mense, hora quasi nonarum, pontificatu et loco, quibus supra. Presentibus honorabilibus et discretis viris dominus Johanne Gumerall in Adorfi et Johanne Reuth in Asch ecclessiarum plebanis in premissis testibus fide dignis.

Et ego Johannes Medricii de Tepla Pragensis diocesis sacra imperiali auctoritae notarius publicus predicte literre exhibicionem conspectoni, perlectoni, peticionem omnibusque aliis singulus suprascriptis dum sic, ut premittitur fientur et agentur una cum prenominatis testibus presens interfui easqeu sic fieri vidi et audivi manu propria conscripsi et in hanc formam publicam redegi. Signo et nomine meis solitis consignavi, requisitus in fidem et testimonium premissorum omnium et singulorum.