Deinhard von Panewicz! Als wir uch vaste irmant haben und geschreben uns zu halden umbe sulch geld, wes wir uwern briff und ingesigel haben, also hatten wir gedocht, das ir doruber nyndert hin het durft komen, sunder wordit uns euwern briff gehalden haben noch synen ynhalden und usweisunge, sint ir uns denne wedir geschreben habit zu antwort, das ir mit uns verkomen wellit, also heischen wir uch in desem unszin brive vor lande und stete uff dy neheste zukommende methewoch noch sand Laurencii tage 11. August kein der Lobaw, do sy by enander zu tage sein werden. Geben zu Gorlicz am sand Donati tage under unszerem stat secret anno et cetera 28.

Burgermeister und ratmanne der stat Gorlicz.