Nos Ottko de Loza, Johannes Czapko de Saan, capitanei ceterique seniores exercituum Taboritarum campestrium et Orphanorum tenore presencium recognoscimus universis, nos ab illustribus principibus et dominis dominis Sigismundo duce Saxonie et domino Friderico ambobus lautgrauiis Duringie debitoribus principalibus, domino Henrico de Waldinburg, domino Alberto de Lysnik, Heinrico Malticz, Brosio Hognest capitaneo in Most, Gelffrido capitaneo in Ossek, consulibus civitatum Most, Drazdyan et Friberg, eorum fideiussoribus, quinque milia florenorum pro termino beate Marie virginis nativitatis nobis plene et integre persolutis. Super litera eorum nobis super decem millia florenorum confecta percepisse, de quibus quidem quinque millibus florenorum nobis sic persolutis suprascriptos duces et principes ymo et eorum fideiussores presentibus quittos dicimus, liberos penitus et solutos. Promittentes pro nobis et nostris omnibus suprascriptos principes et eorum fideiussores de eisdem quinque milibus florenorum nobis persolutis quoquomodo non ammonere, nec infestare per cuncta tempora affutura. In horum robur sigilla nostra communia presentibus duxinus appressa et in testimonium ffamosorum clientum Johannis Czernin de Czernin et Mathie Horzessowecz de Horzessowicz. Datum anno domini millesimo quadringentesimo secundo, feria secunda die nativitatis beate Marie gloriosissime virginis et intemerate matris Ihesu Christi domini nostri.