Wir Sigmund von gotes gnaden Romischer kunig zu allen czeiten merer des reichs und zu Ungern, zu Behem, Dalmacien, Croacien kunig. Bekennen und tuen kunt offenbar mit disem brief allen, den die in sehen oder horen lesen, das wir angesehen und gutlich betrachtet haben solich willige und getrewe dienste, die uns und der cron zu Behem Hans, Ulrich und Francz von Polentzk gebrudere unsere liebe getrewen oft trewlich und nuczlich getan haben und furbass tun sollen und mogen in kunftigen zetten und haben. In dorumb mit wolbedachtem mute und rechter wissen die dorfere Sletnik und Polat, die von uns und der Cron zu Behem zu lehen, iuren und ire veterlich erbe sind mit allen und iglichen iren nuczen, renten, zinsen, gulten, vorbleben ? und andern zugehorungen, woran die sind als ein kunig zu Behem gnediclich verliehen und gereicht leihen und reichen in die auch die craft diss briefs die furbasmer von uns und der cron zu Behem zulehen zuhaben, ..halden und zugeniessen in allem .em rechten als dann die von iren vordern an sy kommen und gefallen sind und der genossen und gebraucht haben von allermenglich ungehindert doch unschedlich uns und der cron zu Behem in unsern diensten und sust yderman an seinem rechten. Mit urkund diss briefs versigelt mit unsern kuniglichen anhangenden insigel. Geben zu Presburg nach Crists geburt vierczehenhundert iare und dernach in dem czwey und czwentzigen iare am nechste tag nach des heiligen Crewtz .ag invencionis unserr riche ungrischen dem XXVI des Romischen im zwelften des Beheimischen im andere iaren.