Ich Jorig Teuffenpache^ar bekenn, als ich und auch mein lieber Bruder Mertt Tewffenpacher in des hochgeboren fursten herczog Albrechts, herczogen ze Österreich etc., unsers gene^adigen herren, dinst zu der Igla in seinem sold gelegen sein, und daselbs etbevil scheden emphangen haben, daz uns derselb unser genediger herr von der obgeschriben scheden wegen, die wir unczen auf hewtigen tag genommen haben, wie die genant sein, ein gancz benugen getan und uns darum erberleich ausgericht und beczalt hat ein sum gelts, daran uns wol benugt hat, darumb gelob ich obgenante Jorig Teffenpacher an stat mein selbs und des egenanten meines bruders Mertten des Tewffenpacher, dafür ich mich genczleich annym, daz wir von der obgenanten scheden wegen hincz dem obgeschriben unserm genedigen herren herczog Albrechten, seinen lannden und le^awten, furbaser dhain zuspruch noch vordrung mer haben sullen noch wellen in dhainerlay weys an geve^ard. Mit urkund des briefs, besigilten mit meinem, des obgenanten Jorigen Tewffenpacher, aufgedrukchten petschad, geben ze Wienn an dem heiligen Palmtag anno Domini etc. vicesimo tercio.

Den sind beczalt XXXII guldein.