Testamentum Johannis Teczner de Montibus Chuttnis

Cuius testamentarii sunt Iax Bibenhengst et Iax de Praga gener ad hoc rogati specialiter et vocati, qui Iohannes testamentum suum suis in extremis disposuit in hunc modum: Primo legavit Anne sue legitime conthorali omnia bona sua mobilia et inmobilia, que habuit sub et super terram, cum eisdem faciendi et dimittendi, sicut placet, de quibusquidem bonis Sigismundo Marscalis X sexagenas grossorum solvere debet, et commisit, que eidem per ipsam Annam iam effectualiter sunt persolute demum Procopio Pistori sextem sexagenas grossorum de bonis supradictis solvere mandavit. Item Augustino fratri suo legavit unam tunicam nigri coloris nigra tela subductam cum una iopula, que eidem per Annam memoratam de facto sunt datis et assignatis. Actum feria tercia die sancti Ieronimi anno Domini Mo CCCCo XX primo.