Also ir mir denne eynen frede mit ern Thymen und den von der Sittaw zuschreibit, noch solchir eurer vorschreibunge wil ich is haldin. Sundir also nechten mit dem sonnuntergange, do mir euer briff quam, do worn meyne gesellin aussen (das stehe vor sich off gewien und vorlost; sost habe ich bestallt mit den meinen und mit den off der Landiscron, das sie fort keine zugriffe thun sollin. Und also ir denn den tag off meinen willen setzet, wenn ich des wartende wil sein, und den wil ich uch 3 adir 4 tage zuvor schreibin, das ir ern Thymen und die von der Zittaw auch mögit dorzu vorbottin et cetera. Wen ich dorzu brengen werde zu dem tage, das ir dy sicher wellit geleiten et cetera. Gegebin am sonabinde ad vincula Petri.