Johannes herzog und hirre zum Sagan den gestrengen, euer und wolweisen landmannen, burgermeister und ratmannen der lande und der stete Budissin, Gorlitz, Zittaw, Lobaw, Lauban und Camentz, unsern besundern libin et cetera. Als ir uns geschrebin habit von der von Hockinborn wegen, begerende forder eynen frede mit en zu haldin bis off senthe Michels tag, haben wir uch vor geschrebin, wie sie uns desin frede, den ir itzund gemacht habit, furste vorbrochin et cetera. Nu an desim nestin dinstage den unsern in einem dorffe genant zu Gorp ire pherde genommen. Doby ir alles wol merken mögit, das uns der frede von in fuste vorbrochin et cetera. So ir denne schreybit, das dy von Görlitz ir eytgenossin einen kortz bey uns habin werden, mit uns von den und andern sachen zu reden et cetera, en doran unsir meynunge eygentlichen undirrichten. Gegeben zum Sagan am dornstage neste vor phingestin 1427.