Commissio propria domine regine.

Barbara, von gots gnaden Romische und zu Hungern et cetera kunigin. Edler und lieber getreuer! Wir haben vernomen, wie dein gemachel mit tod von diser welt abgangen und verscheiden sei; solt dem also sein, daz wer uns getreuleich laid; doch so ist menschleich sterben, dem menschleiche natur nicht widersten mag, darumb du dich des nicht ze vast bekumern solt. Dann von deiner sachen wegen gen unserm herrn dem kaiser gevelt uns wol und raten dir auch in treun, daz du dich zu demselben unserm genedigen herren dem kaiser her fuegest und dieselbe sach mundleich mit im zu end bringest; daz bedunket uns dir nuzleicher sein, denn durch botschafft hin und her. Geben zu der Igla an sand Ulreichs tag, anno domini et cetera tricesimo sexto.