Ich Go^erig Tewffenpcher, ich Jörig Pairhofer und ich Andre Lugaster bekennen, als wir uns mitsambt unsern gesellen, die wir bey uns in unsrer rot haben, gegen dem hochgebornen fürsten, herczog Albrechten, herczogen ze Österreich etc., unserm genädigen herren, verfangen haben, in seinen geslossen ze Bechem oder ze Mercheren ze halden hundert und dreisczickk werleicher ze rossen auf ain halbe quatember, die sich wirt enden des phincztags nach unsrer frawn tag der liechtmess schierist künftig, darauf uns und den egenanten unsern gesellen dieselb halbe quatember auf ain yeden werleichen ze rossen ze sold benennet ist fünff güldein, das in sum bringet sechshundert und fünffczick guldein, also hat uns und unsrer gesellen der vorgenante unser genädiger herr die halb quatember gancz ausgericht und beczalt und sagen in darumb genczleich quit, ledig und los mit urkund und besigelt mit unsern aufgedruckten petschafften. Geben ze der Ygla ann sand Thomas tag vor weinachten anno Domini etc. vicesimo secundo.