Nos Martinus Renner, pro tunc magister ciuium, Petrus, salis, Cristianus Spicznagel, Janko Sigismundi, Erasmus de Czlabins, Wainko Plumel ceterique iurati ciues in Znoyma, notum facimus tenore presentium vniuersis, quod coram nobis constitutus discretus Nicolaus Lebetarius, noster conciuis, recognouit se vendidisse super sua domo sita in loco, qui dicitur Fud Luken, penes dominum Mert Meyxner sedecim grossos annui census pro terciadimidia marca grossorum pragensium pauperibus infirmis hic in hospotali degentibus, quemquidem censum dictus Nicolaus Lebetarius, heredes et successores ipsius annis singulis in duobus terminis videlicet in quolibet festo sancti Georgii super octo grossos et in subsequenti continue festo sancti Michaelis totidem prefatis pauperibus porrigere censuare debent et tenentur indilate ad manus tamen prouisorum dicti hospitalis, quodsi non fecerunt negligencia quamcumque intrareuiente ex tunc pre nominanti prouiores liberam habebunt potestate eundem retentum censum pro suo termino recipere et conquirere inter christianos vel iudeos super dampna prefati Nicolai Lebetarii, heredum et succesorum suorum et super vadio supra notato, ad quod cum omnibus aliis suis bonis conpromittit et ipsis eciam licitum est dum poterint et voluerint eundem censum reemere pro aliis terciadimidia iuratis grossorum prestito tamen pro rata temporis censu inquam reemptorem nullatenus debent impediri. In cuius rei testimonium ad preces memorati Nicolai sigillum nostum de certa nostra sapiencia presentibus est appensum. Datum feriam sexta post conuersionem sancti Pauli, anno domini millesimo quadringentesimo tricesimo quinto.