Oraciones devote, si sint cuius meriti aput altissimum, in humili tamen vinculo compassionis preeant cum incremento salutis. Honorabiles domini, confratres sociique carissimi! Pressura tribulacionis ac ingemencie vestre nostris insonuit auditibus nosque, ut opinamur, prius ista perniciosa ac lamentabilis narracio perterruit grandiflue mentemque stupore obduxit, quoniam columpna nobilissima tocius sanctuarii sic dampnabiliter cecidit, ut ecclesia lapides angulare suo pondere gravissimo traheret in ruinam. Hoc est dominus noster venerabilis dominus archiepiscopus Pragensis fidem mundivagam suscipiens, nos acephalos eandem sic vi et potencialiter contra sanctam matrem ecclesiam cogere machinatur, quosdam processus ridiculosos contra nos scribendo unum ad synodum generalem convicandam tempore nunc vigente ultra solitum periculoso quasi sub precepto inhibicionis contrario, alium vero de assecuracione salvi conductus, sed condicionaliter excogitando ut parti consenciamus peregrine. Quare domini ac fratres amantissimi, nos docti consulcius ad vestram confugimus faucionem maturo ac deliberato freti consilio, quid sit in hiis faciendum; tandem in unum coniecti inmobiliter et stabiliti vestre decrevimus in hac causa adherere parti pariter et societati sub eadem appellacione veluti vos contra et adversus dictas literas et articulos in eisdem contentis in omni contribucione et agravacione stare proposuimus inviolabiler tamdiu, quamdiu vobis ac ceteris confratribus catholicis videbitur expedire, qualibet renitencia procul mota presencia manu sub publica redigentes, super quibus petimus nobis literaliter reintimetis nuncium per presentem. Datum in Alba aqua, VI die mensis magii, publici notarii infrascripti sub sigillo. Mathias, abbas ordinis sancti Augustini canonicorum regularium monasterii sancti Karoli Nove civitatis Pragensis, Johannes dictus Liblicz, canonicus ac vicedecanus cum omnibus et singulis prelatis, canonicis, ministris, vicariis, altaristis et ceteris singulis personis ecclesiasticis ecclesie collegiate sanctorum Cosme et Damiani, alias sancti Wenceslai martyrum in Antiqua Boleslavia, Wenceslaus decanus Camenicensis, rector sive plebanus ecclesie in Cothusicz, Michael de Strenicz et Martinus de Zamosstye ceterique quam plurimi sexaginta vel plures ecclesiarum parochialium plebani cum ceteris nobis in hac causa adherentibus.

Et ego Petrus olim Petri de Turnowia clericus Pragensis diocesis, publicus imperiali actoritate notarius predictis videlicet appellacioni, adhesioni et assencioni omnibusque et singulis suprascriptis, dum sic, ut premittitur, fierent et agerentur, una cum testibus ad hoc specialiter vocatis et rogatis presens interfui, eaque sic fieri vidi et audivi ac manu propria scripsi, et si pus fuerit, omnia et singula sum paratus redigere publicam in scriptum, signoque et nomine meis solitis et consuetis, ut moris est, roborando, rogatus et requisitus in fidem et testimonium omnium premissorum.