Johannes Plussk, praepositus canonicorum regularium monasterii sacte Thome apostoli in Lipczk ordinis sacti Augustini dioecis Merseburgensis, judex et subconservator cause et causarum partium infra scriptarum, a venerabili viro domino Stephano de Werder, decano ecclesie Mersburgensis, judice ac conservatore principali jurium, privilegiorum, libertatum, rerum et bonorum venerabilium virorum dominorum, magistrorum, doctorum et scolarium alme universitatis studii Lipczensis antedicte diocesis Mersburgensis una cum certis suis in hac parte collegis cum illa clausula: „Quatenus vos vel duo aut unus vestrum per vos vel alium seu alios et cetera“ a sede apostolica specialiter deputato subdelegatus et cetera. De hesitatione tamen de jurisdictione nostra parati sumus fidem facere debite requisiti et cetera et praesertim vobis dominis et cetera in Gorlitz Misnensis diocesis salutem ac sinceram in domino caritatem. Vim et effectum monicionum et aggravationum, alias per nos ad instanciam honorabilis viri domini Nicolai Dominici, artium magistri prefati universitatis Lipzensis membri et nobis suppositi clerici Wratislaviensis diocesis, in et contra consules et proconsules opidi Gorlizensis racione contumaciae emissos tollimus, cassamus et annullamus ac ipsos Gorlicenses a sentenciis excommunicationis absolvimus et cetera. Domini nomine in his scriptis mandamus vobis dominis divinorum, rectorum praescriptis, quatenus dictos nostros processus cassatos et anullatos ac ipsos Gorlicenses, si opus fuerit, absolutos publice et cetera. Datum 14. die mensis Octobris Lipzk in curia habitationis nostre.