KOMPLETNI REFERENCE PUVODNI LISTINY
Podle RI XI NB/2 s přihlédnutím k originálu.
Podle CIM IV/1, s. 361–363, č. 253.
originál; pergamen
Císař indulsimus
urozenému gratiam
s věčnou platností, uspořádat observari et celebrari
každý rok 14. září circa festum Exhaltacionis Vivifice Crucis
týden dlouhý usque ad septimum diem inclusive
jarmark nundine sive annale forum
. mercatores
nebo jiné osoby, které trh navštívily, zde setrvávající a odsud se vracející, mají požívat všechna práva, svobody, milosti, imunity, ochrany conductu
, míry a jiné zvyklosti a práva, jak je to obvyklé u jarmarků v okolních městech a vesnicích aliarum civitatum et opidorum
v inhibentes
všem duchovním a světským knížatům, svobodným pánům, pánům, rytířům, panošům, hejtmanům, úředníkům, purkmistrům, radním, šepům, přísežným, obcím, stejně jako zástupcům měst, městeček, vesnic, hradům a osadám civitatum, opidorum, villarum, castrorum et locorum rectoribus
a také všem dalším poddaným a věrným nundimus
.
Sigismundus, Dei gracia Romanorum imperator semper augustus ac Hungarie, Bohemie, Dalmacie, Croacie etc. rex, notum facimus tenore presencium universis, quod habito respectu ad grata serviciorum studia ac constantis fidei puritatem nobilis Alssonis de Zieberg, residentis in Plana, fidelis nostri dilecti, quibus serenitati nostre multa fidelitate placuit et placere debebit et poterit in futurum, ipsi iudici, consulibus et incolis opidi in Plana, heredibus et successoribus ipsorum non per errorem aut inprovide, sed animo deliberato sanoque fidelium nostrorum accedente consilio et ex certa nostra sciencia indulsimus hancque graciam fecimus et virtute presencium auctoritate regia Bohemie facimus specialem, ut exnunc inantea perpetuis temporibus annis singulis semel in anno circa festum Exaltacionis vivifice Crucis usque ad septimum diem inclusive nundine sive annuale forum in opido Plana observari et celebrari valeant atque possint quodque dicte nundine sive annuale forum ac universi et singuli mercatores et quelibet alie persone, ipsas visitantes, ibidem morantes et abinde recedentes, omnibus iuribus, libertatibus, graciis, emunitatibus, conductu, pace, tuicione ac aliis consuetudinibus et iuribus utantur et gaudeant, quibus nundine et annualia fora aliarum civitatum et opidorum in regno nostro Bohemie, dicto opido vicinarum, necnon homines, ad eas accedentes, ibidem morantes ac viceversa abinde recedentes, utuntur et gaudent quomodolibet consuetudine vel de iure. Inhibentes universis et singulis principibus ecclesiasticis et secularibus, baronibus, nobilibus, militibus, clientibus, capitaneis, officialibus, magistris civium, consulibus, scabinis iuratis et communitatibus ac civitatum, opidorum, villarum, castrorum et locorum rectoribus ceterisque nostris et imperii sacri et signanter regni nostri Bohemie subditis et fidelibus firmiter et districte, ne prefatos Alssonem, opidanos et successores eorum necnon universos et singulos mercatores ac alias quascumque personas, dictas nundinas seu annuale forum, sicut premittitur, visitantes, accedentes et suo tempore morantes ibidem ac eciam recedentes abinde in personis, mercibus, rebus ac aliis iuribus suis contra graciam et indultum nostrum huiusmodi impediant, arrestent, molestent quomodolibet vel perturbent, prout nostram et nostrorum successorum, regum Bohemie, indignacionem gravissimam voluerint arcius evitare. Volumus tamen et expresse decernimus, ut per hoc indultum nostrum ceteris civitatibus et opidis, dicto opido Plana vicinis, in eorum nundinis nullum preiudicium generetur nec in aliquo derogetur. Presencium sub nostre imperialis maiestatis sigillo testimonio litterarum. Datum Prage anno Domini millesimo quadrigentesimo tricesimo sexto die prima mensis Octobris, regnorum nostrorum anno Hungarie etc. quinquagesimo, Romanorum vigesimo septimo, Bohemie decimo septimo, imperii vero quarto. Ad mandatum domini imperatoris Petrus Kalde, prepositus Northusiensis.