Vnsern dinst zuuor erbern, weisen, lieben freunt. Als ir vns vorschriben habt, das haben wir wol vornomen vnd danken euch ewers guten willen vnd lasen euch wissen, das dy Hussen ligen mit dreyen heren pei der Vreẏnstat enhalb vnd hiedishalb vnd haben dy pruk doselbst eingenomen vnd beseczt vnd rawben zu ryngvm vnd thun grosen schaden. Ab vns den not geschicht, so wellen wir euch von stunden schreiben vnd getrawen euch, ir wert vns nicht lasen. Geben an dem vreẏtag noch sant Lucas tag, anno et cetera XXXI°. Richter vnd der rat der stat Prespurk.

Postskriptum:

Auch piten wir euch, das ir vns nicht vor vbl habt, das wir ewern poten auffgehalden haben. Das haben wir getan durch newer mer willen, das wir euch die vorkunden, vnd was wir hinfur derfaren, das wellen wir euch aber gern vorschreiben.