Den von Ulme. Lieben freunde wir lassen ewr weissheit wissen, daz uns auf diese zeit von etlichen unsern guten freunden, von den Leuff wegen zu Beheim botschaft komen und verschriben ist worden, daß unser herr herzog Albrecht von Osterreich in das her komen sei und mein hare noch nach herzog Ernsten von Osterreich und man meine wen er kome als nutalang wol beschehen sein, so well man end geben; auch wern die von Prag am nechsten sunnabend uber die Multaw geschift einen rum zubejagen. Do kom das her einteil auf, das der Pregischen pei xl erschlagen und pei xvj im her verprannt sein worden. Auch sag man in dem her, das herzog Ernst von Österreich vor einem berg und sloss geheissen Tabar bei Awszk gelegen sei und den oberhaubt gewunnen vnd alle die er darauf begriffen hab erschlahen und verprennen hat lassen. Uns ist auch ein abschrift eins briefs als, die von Prag ... den marggrafen von Meichsen geschriben sullen haben, da mit gesannt worden, der wir euer freuntschaft auch an derselben ein abschrift hierinen verschlossen schiken. Wir versteen auch anderselben unserr freunt botschaft, daz in etwieuil botschaft und brief, die in auß dem her gesannt sein, dernidergeleget sei worden. Das verkünden wir eur ersamkeit also, und ob wir hernach icht trefenlichimer dauern gewar wurden, die wölten wir ewer freuntschaft auch gern zu wissen thun et cetera. Datum ut supra (feria vj^a ante Marie Magdalene).