Nickil von Pentzk doselbist gesessin ad senatum Budissinensem. Als euch die von Gorlitz geschrebin haben und haben obir mich geclait, das euch doch döchte, das mir ungütlich von en geschit, wes se mich eyne sulchin zeign, wenn ichs dem von Colditz macht geben et cetera, und bitte mich zu kommern vor euer manschafft eyn dem lande Baudissin und vor euch et cetera. Wenne sie an mir gebrochen haben, und ich nicht an en. Auch als sie mich heischen vor unsern gnedigsten herrn den keyser, den wil ich en noch nymande zuvorgeben. Und bitte euch mir sulche gleichbittunge auch noch zu sagen, ader mir euer bekentnis geben et cetera. Geben am dinstage noch Jacobi.