Stephanus Jacobi, clericus Olomucensis dioecesis, supplicat, ut Johannes de Zagań^a), canonicus praebendatus ecclesiae Bregensis Vratislaviensis dioecesis, qui una cum suis in hac parte complicibus in quendam Alexium Crokaw presbyterum manus violentas iniecerunt eundem Alexium crudeliter invadendo, vulnerando, hostiliter detinendo ac diris carceribus mancipando, dictis canonicatu et praebenda, quorum praesentatio seu provisio de iure patronatus laicorum existit — attento, b. p., cum crimina et excessus, de quibus fit mencio, in Romana curia pro parte prefati Alexii coram certis s. Romane ecclesie cardinalibus et aliis iudicibus ex commissionibus S^tis V^re clare probata sunt et desuper tres sentencie diffinitive late, prout apud acta cause legitime constare poterit, et qui quidem patroni per plures annos post dictos excessus de dictis canonicatu et prebenda non disposuerunt - privetur et de eisdem, quorum fructus decem marcarum argenti valorem annuum non excedunt, praefato Stephano provideatur. — „Concessum ut petitur in forma iuris. Datum Rome apud ss. Apostolos decimooctavo kal. Decembris a. octavo.

In marg.: Briocensis, Adriensis – ^a) ,de Zagano' in reg.